शिवाजीनगर परिसरातील मॉडेल कॉलनी येथे मोटारीत बसून तरुणींकडे पाहत अश्लील कृत्य करणाऱ्या एका तरुणाला शिवाजीनगर पोलिसांनी अटक केली. याप्रकरणी एका महिलेने शिवाजीनगर पोलिस ठाण्यात फिर्याद दिली आहे.
प्रणव केदार वझे (रा. मॉडेल कॉलनी, शिवाजीनगर) असे अटक केलेल्या तरुणाचे नाव आहे. पोलिसांनी दिलेल्या माहितीनुसार, वझे हा मॉडेल कॉलनी परिसरातील एका महाविद्यालयाजवळ मोटार घेऊन येत असे.
तेथे मोटार उभी करून जाणाऱ्या तरुणींकडे पाहत तो अश्लील कृत्य करत होता. काही महिन्यांपासून हा प्रकार सुरू होता.याबाबत एका महिलेने याबाबत पोलिसांत तक्रार दिल्यानंतर सापळा रचून वझे याला ताब्यात घेतले.
सार्वजनिक ठिकाणी अश्लील कृत्य केल्याप्रकरणी त्याच्याविरुद्ध गुन्हा दाखल करण्यात आला आहे. वझे हा एका अधिकाऱ्याचा मुलगा असल्याची माहिती पोलिसांनी दिली.
Advertisements
Advertisements
