वाई, दि. 12(प्रतिनिधी प्रशांत थोरवे)
राज्याचे उपमुख्यमंत्री व राष्ट्रवादी काँग्रेस पक्षाचे अध्यक्ष कै. अजितदादा पवार यांच्या निधनाच्या पार्श्वभूमीवर राज्यसभा खासदार नितीनकाका पाटील यांनी यंदा आपला वाढदिवस साजरा न करण्याचा निर्णय जाहीर केला आहे.
खा. नितीनकाका पाटील यांचा आज गुरुवार, दि. १२ फेब्रुवारी रोजी वाढदिवस आहे. मात्र, सध्याच्या शोकमय वातावरणाचा विचार करून कोणताही उत्सव न साजरा करण्याचा निर्णय त्यांनी घेतला आहे.
या पार्श्वभूमीवर राष्ट्रवादी काँग्रेसचे पदाधिकारी, समर्थक व कार्यकर्त्यांनी वाढदिवसानिमित्त फ्लेक्स बोर्ड, जाहिराती लावू नयेत तसेच कोणतेही जाहीर कार्यक्रम आयोजित करू नयेत, असे आवाहन त्यांनी केले आहे.
तसेच वाढदिवसानिमित्त कोणताही सत्कार, शुभेच्छा स्वीकृती कार्यक्रम होणार नसून त्या दिवशी ते कोणाचेही सत्कार अथवा शुभेच्छा स्वीकारणार नाहीत आणि त्यासाठी उपलब्ध राहणार नसल्याची नोंद घ्यावी, असेही त्यांनी स्पष्ट केले आहे.
कै. अजितदादा पवार यांच्या स्मृतीप्रित्यर्थ आदर व्यक्त करत आणि शोकभावनेतून हा निर्णय घेतल्याचे खा. नितीनकाका पाटील यांनी सांगितले.
