कोंढवा परिसरात किरकोळ वादातून १७ वर्षीय तरुणावर धारदार शस्त्राने वार करत मारहाण केल्याची घटना घडली. या प्रकरणी दोघांना अटक करण्यात आली असून, अन्य दोघांचा शोध सुरू आहे.
असिफ हिदायत शेख (वय २४, रा.कोंढवा) आणि आवेज इलियास शेख (वय २४, रा. मीठानगर, कोंढवा) अशी अटक केलेल्या संशयितांची नावे आहेत.
पोलिसांनी दिलेल्या माहितीनुसार, २० फेब्रुवारी रोजी रात्री साडेदहाच्या सुमारास कोंढव्यातील गल्ली क्रमांक दोनमध्ये फिर्यादी आणि त्याचा मित्र बसले होते.त्यावेळी आरोपींनी जुन्या वादातून हल्ला केला. आरोपींनी धारदार शस्त्राने तरुणाच्या हातावर व मांडीवर वार केले.
तसेच, त्याच्या मित्राला हॉकी स्टीकने मारहाण करून जखमी केले. या प्रकरणी कोंढवा पोलिस ठाण्यात गुन्हा दाखल केला असून, पुढील तपास सुरू आहे.
Advertisements
Advertisements
