काळेवाडी परिसरातील तापकीर चौक सध्या वाहतूक कोंडीच्या समस्येमुळे चर्चेत आहे. हा चौक सकाळी आणि सायंकाळी नेहमीच ठप्प होत असून, नागरिकांना त्रास सहन करावा लागत आहे.या मार्गावर केवळ अर्धा किलोमीटरचा प्रवास पार करण्यासाठी २० ते २५ मिनिटे लागतात, अशी तक्रार अनेक वाहनचालकांनी केली आहे.
या चौकातून पिंपरी, एमआयडीसी, वाकड व हिंजवडीकडे मोठ्या प्रमाणावर नागरिक व कामगार जातात. परिणामी, हा मार्ग नेहमीच भीषण वाहतूक कोंडीने ग्रासलेला असतो.चुकीची सिग्नल वेळ आणि नियोजन, बीआरटी मार्गाची चुकीची आखणी व लोखंडी बॅरिकेड्स, गर्दीच्या वेळेत वाहतूक पोलिसांची अनुपस्थिती, बेशिस्त वाहनचालक व नियमांचे उल्लंघन, अपुरे पोलिस कर्मचारी व प्रशासनातील समन्वयाचा अभाव, रस्त्याच्या कडेला अनधिकृत पार्किंग, हातगाडी, फेरीवाले यासह स्थानिक लोकप्रतिनिधींचे दुर्लक्ष अशा विविध समस्यांनी या परिसर वेढला गेला आहे.
त्यामुळे वाहतूक कोंडी दिवसेंदिवस अधिक त्रासदायक होत आहे. यासंदर्भात महापालिका, वाहतूक व बीआरटी प्रशासनाने समन्वय साधून त्वरीत कार्यवाही करावी, अशी मागणी नागरिकांकडून वाढत आहे. अन्यथा, रोजचा प्रवास अधिकच कष्टदायक होईल, असा इशारा देखील स्थानिकांनी दिला आहे.
नागरिकांनी सुचविलेले उपायकायमस्वरूपी वाहतूक नियंत्रकांची नेमणूकसंकेत फलकांची व्यवस्थाबेशिस्त वाहनचालकांवर कडक कारवाईअनधिकृत पार्किंग व अतिक्रमणावर नियंत्रणसिग्नल वेळांचे सुधारित नियोजनरस्त्यांचे रुंदीकरण व दुरुस्ती
