ओतूर ता.जुन्नर गावच्या हद्दीत अहिल्यानगर कल्याण महामार्गावरील खड्डे चुकवता मोनिका चौकात ट्रक व स्कुटीत फसगत होऊन स्कुटी घसरल्याने महिला महामार्गावर पडून ट्रक खाली चिरडली जाऊन जागीच ठार झाली आहे.
सदर अपघात शुक्रवारी दुपारी १२ वाजे दरम्यान मोनिका चौकात झाला असून या अपघातात स्नेहल अहिनवे वय.३३ रा.अहिनवेवाडी ता.जुन्नर जि. पुणे ही महिला जागीच ठार झाली आहे.
या अपघात बाबात अधिक माहिती अशी कि स्नेहल अहिनवे या त्याचे नातेवाईक दत्तात्रय अहिनवे याच्या स्कुटीवर मागे बसून ओतूर मधुन येत होते. त्याच वेळी अहिल्यानगर कल्याण महामार्गावरून ट्रक माळशेज कडून आळेफाटा बाजूला चालला होता. ओतूर गावच्या हद्दीत मोनिका चौकात ट्रक व स्कुटी मध्ये फसगत झाली आणि स्कुटी घसरून पडुन दत्तात्रय अहिनवे हे किरकोळ जखमी झाले तर स्नेहल अहिनवे यांच्या अंगावरून ट्रक गेल्याने त्या गंभीर जखमी होऊन ठार झाल्या.
