प्रतिनिधी : अमर शिवाजी पठारे
नाशिकच्या जेलरोड परिसरात घडलेली एक धक्कादायक घटना समोर आली असून, सततच्या मानसिक आणि शारीरिक छळाला कंटाळून एका विवाहितेने आत्महत्या केल्याची माहिती समोर आली आहे.
मिळालेल्या माहितीनुसार, संबंधित विवाहितेच्या सासरकडून फ्लॅट आणि चारचाकीसाठी तब्बल २५ लाख रुपयांची मागणी करण्यात येत होती. पीडित महिलेच्या भावाने बहिणीचा संसार टिकावा म्हणून आईच्या नावावरील जमीन विकून पैसे दिले, तसेच लग्नात २१ तोळे सोनंही देण्यात आलं होतं. मात्र, एवढं करूनही विवाहितेला सासरी प्रेमाऐवजी अपमान, त्रास आणि धमक्यांचा सामना करावा लागत होता.
तक्रारीनुसार, पतीचे दुसऱ्या महिलेशी संबंध असल्याचाही आरोप करण्यात आला आहे. यामुळे संबंधित विवाहितेला वारंवार मानसिक त्रास सहन करावा लागत होता. अखेर या सर्व त्रासाला कंटाळून तिने टोकाचं पाऊल उचलल्याची माहिती समोर आली आहे.
या घटनेमुळे परिसरात संताप व्यक्त केला जात असून, दोषींवर कठोर कारवाई करण्याची मागणी नागरिकांकडून होत आहे. तसेच हुंडाबळी आणि महिलांवरील अत्याचार रोखण्यासाठी कठोर कायदे प्रभावीपणे राबवण्याची माग
