गुजरातमधील वलसाड येथे लिफ्टमधील एक धक्कादायक अपघात घडला असून त्याचा व्हिडिओ सध्या सोशल मीडियावर जोरात व्हायरल होत आहे.
ही घटना सरदार हाइट्समधील साबरमती इमारतीत सोमवारी सकाळी घडली. वत्सलभाई पांचाळ हे लिफ्टमध्ये गेले आणि त्यांनी आपल्या मजल्याचे बटण दाबले. काही वेळात लिफ्ट त्या मजल्यावर पोहोचली आणि दरवाजा उघडला. ते बाहेर पडण्यासाठी पाऊल टाकताच अचानक लिफ्ट वरच्या दिशेने हलू लागली. त्यामुळे त्यांचा तोल गेला आणि ते खाली जोरात पडले. पडताना त्यांच्या डोक्याला मार लागला.
या अपघातात ते गंभीर जखमी झाले, मात्र सुदैवाने त्यांचा जीव वाचला. संपूर्ण घटना सीसीटीव्ही कॅमेऱ्यात कैद झाली असून हा व्हिडिओ वेगाने व्हायरल होत आहे.
या घटनेमुळे इमारतीतील लिफ्टची योग्य देखभाल आणि सुरक्षा किती महत्त्वाची आहे, हे पुन्हा एकदा समोर आले आहे.
Advertisements
Advertisements
