सांगवी फाटा येथील बाबूरावजी घोलप महाविद्यालय बस थांब्याशेजारील संरक्षण विभागाची जुनी सुरक्षा भिंत कोसळल्याची घटना घडली. भिंतीचा मोठा भाग थेट पदपथ व रस्त्यावर पडल्याने पादचारी तसेच वाहनचालकांसाठी अपघाताचा गंभीर धोका निर्माण झाला.
सुदैवाने या घटनेत कोणतीही जीवितहानी झाली नाही.दोन दिवसांपूर्वी संरक्षण विभागाच्या जागेभोवती उभारण्यात आलेल्या सुरक्षा भिंतीचा काही भाग अचानक थेट पदपथावर पसरला. या मार्गावर शाळा-महाविद्यालयीन विद्यार्थी, नोकरदार वर्ग आणि स्थानिक नागरिकांची दिवसभर मोठी वर्दळ असते. त्यातच बस थांब्यालगतच ही घटना घडल्याने प्रवाशांना धोका निर्माण झाला आहे.
या ठिकाणी उड्डाणपूल, भुयारी मार्ग तसेच औंधकडे जाणारा मार्ग आणि रक्षक चौकाकडून येणारा मार्ग अशा चार दिशांमधून वाहतूक एकत्र येत असल्याने वाहतूक आधीच मोठ्या प्रमाणात असते.संरक्षण दलाच्या सुरक्षा भिंतीचा काही भाग पदपथावर पडला आहे.
संरक्षण विभागाशी संपर्क साधून तुटलेल्या भिंतीमुळे पदपथावर पडलेला राडारोडा तातडीने उचलून घेण्यास सांगितले जाईल.स्थापत्य विभाग, ‘ह’ क्षेत्रीय कार्यालयसांगवी फाट्याकडे जाण्यासाठी नागरिकांना याच मार्गाने जावे लागते. मात्र, पदपथ व रस्त्यावर पडलेल्या भिंतीच्या राडारोडा आणि काटेरी तारेमुळे अपघाताचा धोका निर्माण झाला आहे. त्वरीत राडारोडा हटवून भिंतीची दुरुस्ती करावी.
