भोंदू खरात प्रकरणानंतर नाशिकमध्ये लैंगिक अत्याचार आणि बळजबरी धर्मांतराच्या प्रयत्नाचे आणखी एक धक्कादायक प्रकरण समोर आले आहे. पंचवटी पोलिस ठाण्यात दाखल झालेल्या तक्रारीनुसार, एका तरुणाने तरुणीला विविध ठिकाणी फिरवून तिच्यावर लैंगिक अत्याचार केले.
त्यानंतर तिच्या गळ्यातील तुळशीमाळ आणि हातावरील धागे काढून, तिला एका विशिष्ट धर्माच्या रिवाजाप्रमाणे ‘गजरा हिंद’ करण्याचा प्रयत्न केल्याचा आरोप आहे.संशयित आरोपी तंजीर इनामदार याने पीडित तरुणीच्या संपर्कात आल्यानंतर तिच्या हातात हात घालून मिठी मारली, गळ्याजवळ चावा घेतला आणि त्याला ‘लव्ह बाईट’ म्हणून सांगितले.
त्यानंतर मोबाइलमध्ये तिचे फोटो काढले. जानेवारी २०२६ मध्ये काढलेले हे फोटो व्हायरल करण्याची धमकी देत आरोपीने तिला जबरदस्तीने लॉजमध्ये नेले. तेथे दारू आणि सिगारेट पाजून तिचे कपडे काढले आणि बळजबरी लैंगिक अत्याचार केले.
अत्याचारानंतर आरोपीने तिच्या गळ्यातील तुळशीमाळ आणि हातावरील धागे काढून, विशिष्ट धर्माच्या रिवाजाप्रमाणे ‘गजरा हिंद’ करण्यास सांगितले, अशी तक्रार पीडित तरुणीने पोलिसांकडे दिली आहे.
या प्रकरणी पंचवटी पोलिसांनी आरोपी तंजीर इनामदारवर गुन्हा दाखल करून त्याला अटक केली आहे. आरोपीच्या वकिलाने कोर्टात सांगितले की, “हे प्रेम प्रकरण आहे. फक्त एकदाच लॉजवर नेले गेले. ‘गजरा हिंद’ म्हणजे काय आणि त्याचा अर्थ काय, हे आम्हाला माहीत नाही.
“हिंदुत्ववादी संघटना आक्रमकभोंदू खरात प्रकरण ताजे असतानाच नाशिकमध्ये हे नवे प्रकरण समोर आल्याने हिंदुत्ववादी संघटना अधिक आक्रमक झाल्या आहेत. आमदार देवयानी फरांदे यांच्या नेतृत्वात आयटी कंपनीतील प्रकरणाविरुद्ध मोर्चा काढल्यानंतर, आता पंचवटीतील या प्रकरणावरूनही संघटनांनी तीव्र निषेध व्यक्त केला आहे.
काही संघटनांनी याला ‘लव्ह जिहाद’ असल्याचा आरोप केला आहे.बजरंग दलाचे विभाग संयोजक श्रीकांत क्षत्रिय म्हणाले, “आरोपी आणि फिर्यादी दोघेही वेगळ्या धर्माचे आहेत. प्रेमाच्या जाळ्यात ओढून शोषण केले जात आहे. यामागे आर्थिक पाठबळ आहे का, याचा तपास व्हावा.”पाच दिवसांची पोलीस कोठडीपोलिसांनी आरोपीला पाच दिवसांची कोठडी दिली आहे.
या काळात लॉजमधील प्रकार, ‘गजरा हिंद’ म्हणजे नेमके काय, आरोपीला पैसे कोठून मिळाले आणि यामागे कोणाचा आर्थिक पाठबळ आहे का? याचा सखोल तपास करण्यात येणार आहे. नाशिकमध्ये सलग दोन प्रकरणे समोर आल्याने शहरात तणावाचे वातावरण आहे. महिलांच्या सुरक्षिततेबाबत आणि धर्मांतराच्या प्रयत्नांबाबत प्रशासनाकडून कठोर कारवाईची मागणी जोर धरत आहे.
