पुणे-बंगळूर राष्ट्रीय महामार्गावरील कोल्हापूर पेठ नाका, पेठ नाका ते सातारा आणि सातारा ते पुणे या रस्त्यावरील बहुतेक कामे पूर्णत्वाच्या टप्प्यावर आहेत. भारतीय राष्ट्रीय महामार्ग प्राधिकरण (एनएचआय) आणि संबंधित ठेकेदार कंपन्या कामांची देखभाल करीत आहेत.रस्त्याचे चौपदरीकरण, उड्डाणपुल, भुयारी मार्ग आणि ब्लॅक स्पॉटवरील सुधारणा करण्यात येत आहेत.
जून 2026 पर्यंत सर्व कामे पूर्ण होणार असून प्रवासाचा वेळ सध्या 4-4.5 तासांवरून तीन तासांवर येईल.कोल्हापूर पेठ नाका, सातारा, कराड आणि पुणे मार्गावर या कामांचा परिणाम होणार आहे. या कामांमुळे रस्त्यावरील वाहतूक सुरळीत होईल, कोंडी कमी होईल आणि प्रवाशांचा वेळ वाचेल.
तसेच, ब्लॅक स्पॉट्स व उड्डाणपूलांवरच्या कामांमुळे सुरक्षा वाढेल. पेठ नाका ते सातारा, सातारा ते पुणे रस्त्याच्या कामाचे कामकाज एनएचआयच्या देखरेखीखाली चालू आहे. सहा महिन्यांत दुहेरी वाहतूक सुरू होईल.
कामाची माहितीपुणे-सातारा 140 कि.मी. रस्त्याचे सहापदरीकणाचे काम रिलायन्स इन्फ्रास्ट्रक्चर्सला 2010-2035 या कालावधीसाठी बीओटी तत्त्वावर देण्यात आले होते, पण काही अपूर्ण कामांमुळे एनएचआयने ठेका रद्द करून स्वतः काम पूर्ण केले.
खेड शिवापूर, शिवरे, हरिश्चंद्री आणि वेळे या ब्लॅक स्पॉटवरील कामे पूर्ण केली जात आहेत. खंबाटकी घाटावरील नवीन बोगद्याचे काम पूर्ण झाले असून एकेरी वाहतूक सुरू आहे.पेठ नाका ते कराड 27 किमी रस्त्याचे काम 2022 मध्ये अदानी रोड इन्फ्रास्ट्रक्चर्सला दोन वर्षांसाठी देण्यात आले.
काही विलंबामुळे काम 15 महिने रखडले, पण केंद्रीय मंत्री नितिन गडकरी यांनी भुयारी मार्ग मंजूर करून कामावर वेग आणला आहे. कराड उड्डाणपुलाचे काम जूनपर्यंत पूर्ण करून वाहतूक सुरू केली जाणार आहे.पेठ नाका-कोल्हापूर 45 किमी रस्त्याचे काम रोडवेज सोल्युशन इंडिया इन्फ्रा लि. करत आहे.
ठेकेदाराच्या संथ गतीमुळे काम उशिरा झाले, पण गडकरी यांच्या तात्काळ हस्तक्षेपामुळे जानेवारी 2026 मध्ये काम वेगाने सुरू झाले. गावकऱ्यांच्या मागणीनुसार कणेगाव, किणी, मंगरायाचीवाडी, शिरोली, सरनोबतवाडी, उजळाईवाडी आणि गोकुळ शिरगाव येथे अतिरिक्त भुयारी मार्ग मंजूर झाले.
जून 2026 पर्यंत सर्व कामे पूर्ण होणार आहेत. कोल्हापूर-पुणे प्रवास सध्या 4-4.5 तासांचा आहे, पण काम पूर्ण झाल्यानंतर हा प्रवास केवळ तीन तासात पार करता येईल, ज्यामुळे प्रवाश्यांना वेळ वाचेल, वाहतूक सुरळीत होईल आणि रस्त्यावरील सुरक्षा वाढेल.
