”पुणे आणि सातारा जिल्ह्यातील जिल्हा परिषद, पंचायत समिती निवडणुका राष्ट्रवादी काँग्रेस आणि राष्ट्रवादी काँग्रेस शरदचंद्र पवार पक्षाकडून एकत्रित लढण्याचा निर्णय झाला होता. त्यानुसार निवडणुका झाल्या.
पुणे जिल्हा परिषदेत घड्याळ चिन्हावर निवडणूक लढवून ५१ उमेदवार विजयी झाले. पदाधिकारी ठरवताना ५१ सदस्यांचा एकत्रित बसून विचार केला जाईल,” असे राष्ट्रवादी काँग्रेस शरदचंद्र पवार पक्षाचे नेते हर्षवर्धन पाटील यांनी स्पष्ट केले.
पुण्यात पत्रकार परिषदेत ते म्हणाले, ”एकत्र निवडणूक लढल्याने उमेदवार घड्याळ चिन्हावर निवडून आले आहेत. त्यामुळे आम्ही जिल्हा परिषदेत पुढील पाच वर्षे एकत्रच आहोत. आमच्यात कोणतेही स्वतंत्र गट नसतील. पदाधिकारी निवड किंवा जिल्हा परिषद सभागृहातील सर्व बाबी या दोघांच्या एकत्रच होतील.
”उपमुख्यमंत्री अजित पवार यांच्या निधनानंतर दोन्ही राष्ट्रवादी काँग्रेसचे विलीनीकरण होणार असल्याच्या चर्चेबद्दल विचारणा केली असता पाटील म्हणाले, ”या प्रकारची कोणतीही चर्चा आमच्यापर्यंत आलेली नाही. पक्षाचे एकत्रीकरण किंवा विलीनीकरणासंदर्भातील निर्णय त्या-त्या पक्षाचे प्रमुख घेतात.”
