वाई प्रतिनिधी प्रशांत थोरवे :
महर्षी कर्वे स्त्री शिक्षण संस्था यांच्या वाई प्रकल्पाच्या वतीने तसेच माजली ब्लड सेंटर, सातारा यांच्या संयुक्त विद्यमाने महर्षी अण्णा कर्वे यांच्या जयंतीनिमित्त एक भव्य रक्तदान शिबिराचे आयोजन करण्यात आले आहे. समाजहित, मानवता आणि आरोग्य जागरूकता या तिन्ही गोष्टींचा संगम असलेल्या या उपक्रमामुळे वाई शहरात उत्साहाचे वातावरण निर्माण झाले आहे.
“ज्ञानाचा प्रकाश, मानवतेचा सुवास – रक्तदानातून जपूया नव्या जीवनाचा श्वास!” या प्रेरणादायी संदेशाखाली आयोजित करण्यात आलेले हे शिबिर शुक्रवार, दिनांक २५ एप्रिल २०२६ रोजी सकाळी ९.०० ते दुपारी १.०० या वेळेत सत्यवती जोशी सभागृह, कन्या शाळा, वाई येथे पार पडणार आहे. या शिबिरामध्ये मोठ्या प्रमाणात रक्तदात्यांनी सहभागी व्हावे, असे आवाहन आयोजकांकडून करण्यात आले आहे.
महर्षी कर्वे स्त्री शिक्षण संस्था ही देशातील एक अग्रगण्य शैक्षणिक संस्था असून महिलांच्या शिक्षणासाठी आणि सक्षमीकरणासाठी गेल्या अनेक वर्षांपासून सातत्याने कार्यरत आहे. स्त्री शिक्षणाचा प्रसार, स्वावलंबनाची जाणीव आणि समाजातील दुर्बल घटकांच्या उन्नतीसाठी संस्थेने मोलाचे योगदान दिले आहे. शिक्षणाबरोबरच अशा सामाजिक उपक्रमांद्वारे संस्था आपली सामाजिक बांधिलकीही जपत आहे.
या रक्तदान शिबिरामुळे अनेक गरजू रुग्णांना जीवनदान मिळण्यास मदत होणार असून समाजात रक्तदानाबाबत सकारात्मक जागरूकता निर्माण होणार आहे. त्यामुळे वाई परिसरातील नागरिकांनी मोठ्या संख्येने उपस्थित राहून या पवित्र कार्यात सहभागी व्हावे, असे आवाहन आयोजकांनी केले आहे.
नोंदणी व संपर्कासाठी :
९७५९२०४८२८ /८८०६४०४३४८ / ९६६७५७९४२४ /९८२२६९०२६८ / ८७०२७८७०९१
