हिंगोलीच्या कळमनुरी तालुक्यात एका तरुणाला अनैसर्गिक संबंध ठेवण्यासाठी तगादा लावण्याच्या त्रासाला कंटाळून 24 वर्षीय तरुणाने गळफास घेऊन आपली जीवनयात्रा संपवली आहे . नांदेड पोलीस अधीक्षक कार्यालयातील लिपिकाच्या त्रासाला कंटाळून तरुणाने हि आत्महत्या केली आहे.
याप्रकरणी आखाडा बाळापूर पोलीस ठाण्यात आरोपी विरोधात गुन्हा दाखल करण्यात आला आहे. .मिळालेल्यामाहितीनुसार, आत्महत्या करणाऱ्या तरुणाची नांदेड येथील पोलीस अधीक्षक कार्यालयातील लिपिक अभिषेक सातपुते याच्यासोबत मैत्री झाली होती. त्यातूनपुढे आत्महत्या करणाऱ्या तरुणाला अनैसर्गिक संबंध ठेवण्यासाठी लिपिक अभिषेक सातपुते याने तगादा लावला. मात्रसततच्या त्रासाला कंटाळून तरुणाने हतबलहोऊन रुमालाने गळफास घेत आत्महत्या केलीय. या प्रकरणी आखाडा बाळापूर पोलिसात गुन्हा दाखल करण्यात आला आहे.
उन्हाळ्याचे दिवस असल्यानं घराबाहेर झोपलेल्या एका तरुणावर चार ते पाच जणांनी धारदार शस्त्रानं प्राणघातक हल्ला करून गंभीर जखमी केलं. ही घटना भंडाऱ्याच्या तुमसर तालुक्यातील हरदोली गावात मध्यरात्री घडली. राजू राऊत (२४) असं गंभीर जखमी तरुणाचं नावं आहे.
हल्ला झाल्यानं गंभीर जखमी अवस्थेत तरुणानं मदतीसाठी आरडाओरड केल्यानं आरोपींनी पळ काढला. सध्या गंभीर तरुणावर भंडारा जिल्हा सामान्य रुग्णालयात उपचार सुरू असून प्रकृती धोक्याबाहेर असल्याची माहिती वैद्यकीय अधिकाऱ्यांनी सांगितलं. प्रेम प्रकरणाच्या संशयातून हा प्राणघातक हल्ला केल्याची चर्चा आता गावात रंगली आहे. याप्रकरणी सिहोरा पोलिसांनी गुन्हा दाखल केला असून पुढील तपास सुरू आहे.
बँकेच्या (Banks) कर्ज वसुलीसाठी आलेल्या 25 वर्षीय महीलेकडे एका डॉक्टरकडून शरिर सुखाची मागणी करण्यात आल्याचा धक्कादायक प्रकार टेभुर्णीत समोर आला आहे. या प्रकरणी महिलेच्या तक्रारीनुसार डाॅक्टर विरोधात टेंभुर्णी पोलीस स्थानकात गुन्हा दाखल करण्यात आला आहे. संबधित महिला बँकेच्या कर्ज वसुलीसाठी या डॉक्टरकडे आली होती. यावेळी डाॅक्टरने शरीर सुखाची मागणी केल्याचे पोलिस तक्रारीत म्हटले आहे.
